Deputetë austriakë takojnë liderët shtetërorë dhe vizitojnë Comoditën, e quajnë dëshmi impresive të potencialit ekonomik të Kosovës

Deputeti austriak Martin Engelberg, i shoqëruar nga kolegia e tij parlamentare, Carmen Cricelli Jeitler, që është edhe kryesuese e grupit parlamentar të miqësisë Austri-Kosovë, kanë qëndruar për një vizitë dyditëshe në Kosovë.

Gjatë kësaj periudhe, ata takuan liderët kryesorë të vendit, kryetarin e Kuvendit, Glauk Konjufca, ministren e jashtme, Donika Gërvalla dhe kryeministrin Albin Kurti.

 

Në një postim në Facebook, Engelberg tha se Kurti është shumë i orientuar kah integrimet transatlantike, sikur edhe krejt Kosova.

Pos këtyre, Engelber, që kishte me vete edhe zonjën e tij, Danielle Spera, e cila është edhe drejtoreshë e Muzeut Hebre të Vjenës, vizituan edhe Prizrenin, të cilin e quajti “një qytet shumë të rëndësishëm historik”, ku takoi edhe presidentin e “komunitetit të vogël hebre”, Votim Demirin.

Por, Engelberg e ka pranuar se vizita e tij më “goditëse” ishte ajo në fabrikën Comodita, ku është pritur edhe nga investitori Shkëlqim Devolli.

“Një efekt absolut goditës mëpastaj ishte vizita e një hapësire të madhe prodhuese (e dyta më e madhja në botë) për dyshekë, në qytetin e Gjakovës. Shumica e asaj çfarë prodhohet këtu, shkon (eksportohet) për në Shtetet e Bashkuara të Amerikës”, ka thënë ai, që më pas e ka lëvduar investitorin e kësaj fabrike për punën që po e bën në avancimin e ekonomisë kosovare.

“Ndërmarrësi kosovar, Shkëlqim Devolli ka arritur, po ashtu, ta ndërtojë një konglomerat të tërë korporativ. Një dëshmi impresive e potencialit ekonomik të Kosovës”.

Deputeti Peter Beyer viziton selinë e Devolli Corporation në Gjermani

Deputeti i Bundestagut gjerman Peter Beyer, ka qëndruar të enjten në zyrat e Shonid GmbH në Konigsallee të Dusseldorfit, ku është pritur nga afaristi kosovar Shkëlqim Devolli dhe Artan Berisha nga BEVO GmbH, që jeton dhe vepron në Gjermani.
Beyer, i cili është edhe koordinator i bashkëpunimit transatlantik i qeverisë federale gjermane si dhe njohës i mirë i Ballkanit, është njoftuar nga Devolli për afarizmin e Devolli Corporation në shtetin gjerman, si dhe në SHBA dhe Kosovë.
Deputeti gjerman është shprehur i kënaqur me rritjen gjithnjë e më të madhe të bashkëpunimit Kosovë – Gjermani në fushën e ekonomisë, duke premtuar mbështetje për zhvillimin e mëtutjeshëm të kësaj marrëdhënieje.
Në anën tjetër, Devolli i ka bërë ftesë deputetit Beyer që të njëjtën vizitë ta bëjë së shpejti edhe në Kosovë.

Ambasadori norvegjez Grondahl mahnitet në Comodita, e lavdëron menaxhmentin për punësimin e shumë të rinjve

Ambasadori i Norvegjisë në Kosovë, Jens Erik Grondahl, ka vizituar sot fabrikën e dyshekëve dhe shpuzës, Comodita në Gjakovë.

Ai u prit nga pronari, Shkëlqim Devolli dhe drejtori e stafi menaxherial, të cilët ia treguan të gjitha repartet dhe hapësirat e shumta dhe të mëdha prodhuese të fabrikës.

Pasi e pa krejt Comoditën, ambasadori norvegjez tha se u impresionua me atë që pa. Madhësia dhe kapacitetet e prodhimit i lanë shumë përshtypje të jashtëzakonshme, njofton Klankosova.tv.

Po ashtu, Grondahl tha se i erdhi shumë mirë kur kuptoi se cili është kontributi masiv i Comoditës në eksportimin e produkteve të saj në Amerikë dhe Evropë.

Pos kësaj, mysafiri nga Norvegjia ka lavdëruar fabrikën, pronarin dhe stafin menaxherial që po bëjnë përpjekje kaq të mëdha për të krijuar vende të shumta pune dhe për të kontribuuar në buxhetin e shtetit.

Sipas tij, krejt këto ndikojnë pozitivisht që rinia dhe profesionistët të mbeten në Kosovë, duke pamundësuar kështu ikjen e trurit jashtë vendit e shtetit.

Grondahl nuk kurseu fjalët e mira edhe për pastërtinë në të gjitha hapësirat e fabrikës.

Comodita është fabrika e dytë më e madhe në botë për prodhimin e dyshekëve dhe eksportuesi më i madh në Kosovë.

Ish komandanti i Bondsteelit, Douglas Lute viziton Comoditën, i vjen mirë që kjo fabrikë eksporton shumë prodhime në shtetin e tij

Ish komandanti i kontigjentit amerikan te KFOR-it në Kosovë dhe i kampit Bondsteel, në vitin 2001, gjenerali Douglas Lute ka vizituar fabriken e dyshekut dhe shpuzës, Comodita në Gjakovë.
Ai, bashkë me Ed Rogers, një ekspert marketingu dhe ish këshilltar për këto cështje në ekipin elektoratl të ish presidentit George W. Bush, kanë parë nga afër procesin e prodhimit dhe hapësirat e Comodita.
Dy amerikanët u pritën në këtë vizitë nga pronari Shkelqim Devolli dhe stafi menaxherial i Comoditës, fabrikë kjo që shumicën dërmuese të prodhimeve të veta i eksporton pikërisht në shtetin prej nga vijnë Lute dhe Rodgers, pra në ShBA.
Nikoqirët dhe mysafirët biseduan dhe u interesuan shumë për veprimtarinë e suksesshmë të Comoditës, në vecanti, por edhe për marrëdhëniet, sidomos ato ekonomike, mes Amerikës dhe Kosovës. Ata thanë se janë të interesuar të shohin edhe më shumë eksporte të Comoditës në SHBA dhe u zotuan se do të bëjmë gjtihcka munden, tashti si biznesmenë, që kjo përnjëmend të ndodh.
Comodita është fabrika e dytë më e madhe në botë për prodhimin e dyshekëve, dhe eksportuesi më i madh në Kosovë.
Kjo fabrikë është bërë stacion “i detyrueshëm” i vizitave të mysafirëve të lartë që vijnë në Kosovë, por edhe e ambasadorëve të shteteve të fuqishme të botës, në vendin tonë.
Dy ditë më parë, këtu ishte për vizitë ambasadori i Norvegjisë në Kosovë, Jens Erik Grondahl, që po ashtu ishte i mirëpritur nga pronari Shkëlqim Devolli. Edhe mysafiri nordik, sikur amerikanët tashti, ishte impresionuar me atë cfarë kishte parë në Comodita dhe kishte deklaruar se madhësia dhe kapacitetet e prodhimit të kësaj fabrike i kishin lënë përshtypje të jashtëzakonshme.